Incressitîf di Maso, forme aferetiche di Tommaso (Tomâs). Masón al è un cognon venit une vore difondût tal Padoan. Te nestre regjon, li che no son di escludi formazions autonomis, al è presint a Spilimberc, Tisane, Palaçûl, Udin, Cordenons, San Zorç da la Richinvelde, Bertiûl, Osôf. Masone si cjate a Buie (chi ancje i toponims Masóns dongje di Ursinins Grant e Cjamasón aratîf su la çampe de Avile-San Florean). Masoni si cjate a Foian-Redipuie, Cjassà.